東京出差 Day 5 （四）

東京出差 Day 5 （四）

　　今朝自已去back office。今日既教師好好人好隨和，同我講英文，又帶我四圍睇，仲話可以見到皇居（好自慢架）。好搞笑，去到18/F，佢話老闆坐係窗邊，所以唔行埋去，仲話無咩事都唔想上18/F。
　　今朝我學成個back office flow，同埋check Confirmation。仲話對手既confirmation成日錯，要check得好小心先得。
　　中午去飯堂食mini set（話就話mini,又天婦羅飯，又soba，點會食得完，仲要唔好味添！不過只係280yen，一分錢一分貨）食完飯去另一層，原來有職員coffee shop，我食左杯coffee jelly(220yen)，極多人，好難搵位，差D要去"tax payer's room"（吸煙區）

　　下晝又係做ISDA練習；知道新加坡既同事只係結婚探親經過東京時先去過公司；原來我係第一個去東京成2星期咁長，仲要前中後枱四圍去，亦都係第一個去學ISDA既人。唔怪得人人知道我入職（&入行）只係半年左右，都嚇左一跳！

　　今晚去左新宿行（不過無去歌舞妓町），同記憶中大學時代住左成個星期既既新宿一樣熱鬧。其實對名店真係無興趣，反而最鍾意去百貨公司既地下食物層，係伊勢丹買左兩個炸牛肉餅&天婦羅set（牛肉餅極好味，原本想趁熱食，但日本無人一路行一路食，所以都係返酒店先；可惜返到酒店已經凍晒，無咁好味；天婦羅更架係食唔到一半就唔要得）；途經Keio時又買左盒沙律（沙律真係好味，有機會要再食）。

　　食太多炸野，好熱氣，飲左兩包王老吉都係喉嚨痛添…（呀，日本真係好小氣，連杯都細過人，斷估得100ml一杯，搞到我要沖兩次先飲到兩包），希望聽朝再飲就會好返啦，如果病都幾麻煩。

　　聽晚約大學時的日文先生，去「學藝大學駅」集合。唔知先生個小朋友乖唔乖呢？