遞辭職信（三）

…續集…

可能佢怕我唔信佢肯放手，為博我信任，俾左勞工處個account同password俾我。

　　佢話：「你聽日登廣告請人啦，自己諗下要有咩requirements。」
　　我心諗：「我聽日登，仲要自己諗？你咁信得過我？」口頭答：「哦」
　　佢即刻繼續：「但你知其他人未必有你咁叻女識得自己諗個system出黎做野，你教下新人啦！」
　　我心諗：「又落迷湯，一定無好野，保障下自己好D。」答：「無問題丫，你請到人之後我weekend返黎教佢囉！」
　　佢反應好大：「Weekend咋？你留多幾日啦，教新人都要時間嘛！」
　　我見佢終於露出狐狸尾巴，答：「我點知你幾時請到人呀？」我心入面補一句：「如果你呢世請唔到，你想我呢世留係度？而且辭職信寫明effective date，你咁奸，如果我留多一日，點知你會唔會話辭職信無效？」

　　佢見最後一招都留我唔住，終於黑面！
　　而我男友個電話亦打黎，所以唔理佢，走人！

因為老闆夫婦習慣一個黑面一個白面，我原本以為第二日會再有一場「說辭」，所以當晚輾轉反側，思考對策。