開學啦

　今日開學既，有中文小學、英文小學、中文中學、英文中學，同埋…中文大學！
　中大一向最早開學，而且今年開學又好凍…所以，我就無起身去sit一科我好想sit既堂啦！
　其實我覺得自己好幸運，因為我Dept太細而且毫無系統既關係，我完全唔駛帶tutorial，而且就算係RA work都唔多，剪下報紙雜誌就OK。而懶散既我當然係每月一次用search engine搞掂，邊會真係每日去睇住留意住。
　做學生真係自由，但可能就係因為我太自由，所以越黎越怕死線，我篇文點算好呢？知道無論如何都一定可以畢業，因為我係第一隻白老鼠，老細&個系都絕對唔會俾我死，但係，我都仲係對自己寫出黎既野無眼睇…

　尋日讀書會，因為無人演說，迫到要我自己出場演說。講人類學，但一整理筆記先發現原來人類學真係學左好多野，但就唔記得大半…點解我要咁短時間內惡補人地讀成個undergrad既野呢？仲要只係我一半major，我仲要花一半時間去讀日本，我又邊會吸收到喎…難怪尋日講講下就語無倫次，後半部連我自己都頂自己唔順…　但，如果準備充足，我發現演說又唔係真係難成咁…　點解我以前D演說都悶到嘔泡呢？